Međunarodni dan borbe protiv siromaštva

       Međunarodni dan borbe protiv siromaštva obilježava se od 1987. godine, kada se u Parizu, na otkrivanju spomenika u čast žrtava ekstremnog siromaštva, nasilja i gladi,  okupilo oko 100.000 ljudi. 

      Generalna skupština Ujedinjenih nacija proglasila je, 1993. godine,  17. oktobar za Svjetski dan borbe protiv siromaštva. Cilj obilježavanja je ukazivanje na potrebu iskorijenjivanja siromaštva i bijede u svim zemljama, naročito u zemljama u razvoju.

        Mi smo ovaj značajan datum  obilježili humanitarnom akcijom, kako je naš drugar Bojan nazvao - Naše malo nekome znači mnogo. Prikupili smo namirnice koje smo donirali Narodnoj kuhinji u našem gradu. Cilj naše akcije je da pomognemo sugrađanima kojima je pomoć potrebna.

         Zahvaljujemo se ekipi TV Nikšić što su kamerom zabilježili našu aktivnost i pomogli nam u ostvarivanju drugog cilja akcije, a to je da damo primjer drugima, da pokažemo kako je lijep osjećaj kada pomažete.